Begrawe jou gesig in my siel
sodat ek jou nooit vergeet.
n brandmerk van jou woorde diep
n prentjie om te ontleed.

Hier waar ek jou gesit en wens het
jare gesukkel om vir jou te kry.
Hier waar ek jou so lief het
en jy so lief vir my.

Kom haal my hier in Blommeland
want hier voel ek mooi.
Waar jy kan wegkruip in my kombuis
en jou liefde oor my strooi.

Kom haal my want ek wag vir jou
op my stoepie hier van klei gebou.
Die blomme rank my vensters toe
hier waar ek sit en smag na jou.

Ek wens ek was jou mooiste
spieltjie spieltjie in my hand.
Gaan se vir hom waar ek sit en wag
op my stoepie hier in blommeland.